Pages

Thursday, December 29, 2011

වෙජිටබල් පේස්ට්‍රි හදන හැටි

මම මේක බලාගත්තෙත් නෙට් එකේ රෙසිපි බ්ලොග් එකකින්. හරියටම කිව්වොත් මෙන්න මෙතනින්. ඉතින් ඕක චුට්ටක් වෙනස් කරලා, සිංහලෙන් දාන්නයි යන්නේ.

මුලින්ම මේක මම හැදුවේ යාලුවෙක්ගෙ උපන් දිනේකට. කෑව හැමෝම ගොඩක් ආස උන නිසා එදා ඉඳන් මම කට්ටිය එකතු වෙන පාටි, ට්‍රිප් වලට මේක හදනවා.


මේකේ ෆිලින් එකට එළවලු විතරක්ම දාන නිසා මස් මාළු කන්නේ නැති අයටත් කන්න පුළුවනි. ඔන්න දැන් මුලින්ම කියන්නේ, මේ තියෙන්නේ පේස්ට්‍රි එක ඇතුලට දාන ෆිලින් එක විතරයි. මෙහෙම පේස්ට්‍රි වලට කියන්නේ පෆ් පේස්ට්‍රි කියල. පෆ් පේස්ට්‍රි එක හදන එක මහා පන යන වැඩක්. මම එකම එක පාරක් හදල තියෙනවා ලංකාවේදී, ඒ මම කැම්පස් යන දවස්වල. අම්මේ එදා පේස්ට්‍රි එක හොඳට ආවත් ඒක හදල මගේ පණ ගියා. ඉතින් මෙහෙ නම් රෙඩි මේඩ් පෆ් පේස්ට්‍රි ශීට් කඩෙන් ගන්න තියෙනවා. මට කවුද කිව්වා ලංකාවෙත් සුපර් මාකට් වල දැන් තියෙනවා කියල. ඉතින් අඬුව තියෙද්දී මොකටද අත පුච්චගන්නේ ළමයි? ඔය කීල්ස් එකක් හරි කාගිල්ස් එකක හරි ෆ්රෝසන් ෆුඩ් සෙක්ෂන් එකට ගිහින් බලන්න මේ ශීට් තියෙනවද කියල. ඕනෙම නම් ඉතින් ඔච්චර අමාරුවක් තියෙනවා නම් පෆ් පේස්ට්‍රි හදන හැටිත් පස්සේ දාන්නම් :)

ඕන කරන දේවල් :
තම්බල කොටු කොටු වෙන්න කපා ගත්ත එළවලු කෝප්ප 1 (ඕනෙම එළවලු වර්ගයක් ගන්න පුළුවනි. අල, කැරට්, ග්‍රීන් පීස්, ගෝවා මල්, බෝංචි ... ඕනෙම දෙයක්)
දිගට කපා ගත්ත ලොකු ලුණු ගෙඩි 2
කපාගත්ත තක්කාලි ගෙඩි 2
අවු මිරිස් කරල් 2 ක් (තම තමන් මිරිස් කන හැටියට මේක අඩු වැඩි කරගන්න)

කොත්තමල්ලි කුඩු මේස හැඳි 1
සුදුරු කුඩු තේ හැඳි 1
මිරිස් කුඩු තේ හැඳි 1 (මේකත් තමන්ට ඕනේ හැටියට)
ඉඟුරු සුදු ලුණු සම සමව හොඳට තලලා තේ හැඳි 1
කරපිංචා කොළ ටිකක්
තෙල් මේස හැඳි 1
ඕනේ හැටියට ලුණු


තෙල් ටික රත් කරලා ළූණු තෙම්පරාදු කරගන්න. ඒකටම කරපිංචා, කොත්තමල්ලි කුඩු, සුදුරු කුඩු, සහ මිරිස් කුඩු දාන්න. තත්පර 30 විතර බැදගන්න
ඉඟුරු සුදුලුනු එකතු කරලා විනාඩියක් විතර බැදගන්න
මේකටම තක්කාලි සහ අවුමිරිස් එකතු කරලා මිශ්‍ර වෙනතුරු බදින්න
අන්තිමට තම්බල කපපු එළවලු ටික එකතු කරන්න
රසේ හැටියට ලුණු දාන්න
මේ මිශ්‍රණය පියන නොවසා විනාඩි 5 ක් විතර උයාගන්න ඕනේ. අන්තිම රිසල්ට් එක ටිකක් තෙතමයක් සහිත, ඒත් දියාරු නැති එකක් වෙන්න ඕනේ.


දැක්ක නේද ලස්සනට හරි ගානට එළවලු කොටු කපල තියෙන හැටි :D


දැන් ඉතින් ඔච්චරයි. ඕක හදන්න පටන් ගන්න කොට මම අර ක්ෂණික පේස්ට්‍රි ශීට් 2 ක් ෆ්රීසර් එකෙන් එලියට අරන් තියනවා සීතල යන්න. මේවා ගොඩක්ම සීතල ගියත් බැහැ - එතකොට නිකම් චොර ගතියක් එනවා. ඉතින් මේක හදල ඉවර වෙද්දී ගානට පේස්ට්‍රි ශීට් ඩිෆ්රොස්ට් වෙනවා. ඊට පස්සේ මේ හදාගත්ත පිරවුම මැද්දට තියල තමන්ට කැමති හැඩේකට පේස්ට්‍රි කපාගෙන සෙල්සියස් 200 කට රත් කරපු අවන් එකක විනාඩි 25 විතර බේක් කරගන්න තමයි තියෙන්නේ...
ආ තව එකක් පිරවුම තියල නවද්දී දාල වල මම නම් බිත්තර කහ මද ගානවා ඇලවෙන්න. ඒ බිත්තරේම සුදු මද අවන් එකට දාන්න කලින්, නවාගත්ත පේස්ට්‍රි මතු පිට ගෑවාම ලස්සන නිමාවක් එනවා.



දැන් ඕනෙනම් ඔය මිශ්‍රණය හදල එකත් එක්කම තම්බල කපපු බිත්තර පලු උනත් තියන්න පුළුවනි. ඒ වගේම මේවා බේක් කරද්දී තෙල් කඩදාසියක් බේකින් ට්‍රේ එකේ තියල ඒක උඩ තියල බේක් කරන්න අමතක කරන්නත් එපා....



Tuesday, December 27, 2011

හිරු එළියෙන් උපන් හීන


බලන්න කාලය යන හැටි... මතකද ඒ වසන්තය? හරියට අද ඊයේ වාගේ.
හිරු එළියෙන් උපන් අපේ හීන වල තිබුනේ එකම පාට.
ඒ දවස්වල පායපු මීදුම් දේදුනු වගේ ම
ඒ පාටත් මැකිලා ගිහින් දැන්.

රතු පෑනෙන් වැරදි දාපු 
සිහි සටහන් පෙරලන කොට,
විස්තර කරන්න බැහැ දැනෙන
මේ සොඳුරු වේදනාව...ශබ්දකෝශයේත් නැහැ වචනයක්.

කමක් නැහැ යාළුවේ ඉතින්...
මලේ සුවඳ ඔයා ළඟ තියාගන්න ආදරෙන්
නපුරු කටු විතරක් මම ගන්නම්
ඔයා වගේ කෙනෙක් හිඳීවිනේ තවත්, කොහේ හරි ...

You know how the time flies
Only yesterday was the time of our lives
We were born and raised in a summer haze
Bound by the surprise of our glory days

I hate to turn up out of the blue uninvited
But I couldn't stay away I couldn't fight it
I had hoped you'd see my face
And that you'd be reminded that for me it isn't over

Nothing compares
No worries or cares
Regrets and mistakes they're memories made
Who would have known how bittersweet this would taste?

Nevermind I'll find someone like you
I wish nothing but the best for you too
Don't forget me I beg
I remember you said
"Sometimes it lasts in love
But sometimes it hurts instead"
Sometimes it lasts in love
But sometimes it hurts instead




The photo belongs to me. I clicked it sometime back during the summer of '10 on my way to uni. Song belongs to the wonderful Adele. Lyrics are from her beautiful song Someone Like You.

Thursday, December 22, 2011

අයි ලව් යු - කොන්දේසි සහිතයි!


ඔය උඩ තියෙන එක මට හම්බුනේ මගේ උපන් දිනේට පොඩිත්තෙක්ගෙන්. මම දැකල තියෙන අවංකම ලවු ලෙටර් එක තමයි ඔය. ඇත්තටම කොන්දේසි විරහිත සඳ එලිය සේ අචින්ත්‍ය අරකද මේකද ඔය ඔක්කොම තියෙන්නේ සාහිත්‍යයේ විතරයි. හැබෑ ලෝකේ තියෙන ආදරේ කොන්දේසි සහිතයි. ටිකක් ආත්මාර්තකාමීයි. ඒක තමයි ඇත්ත.
පොඩි ළමයි බොරු කියන්නේ නැහැ කියන්නේ මෙන්න මේකයි...

...'Animals and children tell the truth, they never lie
Which one is more human
There's a thought, now you decide '

~ Animal Song by Savage Garden

Monday, December 19, 2011

ඉර හඳ මොකටද අපේ ලෝකයට...


මේ ගෙවී යන්නේ ඕස්ට්‍රේලියාවේ ග්‍රීෂ්ම ඎතුවයි. තවම දෙසැම්බර් නිසා ග්‍රීස්මය ලැබුවා විතරක් නිසා ඉදිරියට තව සැහෙන්න රස්නය වෙන්න පුළුවන්. කිසිත් වැදගැම්මකට නැති සමර් නාමයක්වත් නැති පහුගිය අවුරුද්දේ සීතල ග්‍රීෂ්ම ඍතුවේද උපරිම උෂ්ණත්වය 40 ට ගියා. මේ පාර නම් හැබැයි රස්නය වැඩි වන ලකුණු පෙනෙන්න තියෙනවා.
කොහොම උනත් මම නම් සීතලේ ගැහෙනවාට වඩා රස්නේ දැනෙන්නට ඉර එලිය හොඳට තියෙනවට කැමතියි. මට කොහොමත් සීතල වැඩියෙන් දැනෙන ඇබ්නෝමල් ගතියක් තියෙනවා. හික්ස්. ඉතින් වින්ටර් එකේ ඇඳුම් හතරක් විතර ඇඳගෙන මෆ්ලර් ඉයර් මෆ්ස් ග්ලවුස් බූට්ස් ඔය ඔක්කොම දාගෙන මිසක් මට නම් එලියට බහින්න බැහැ. ලස්සන ඇඳුමක් වත් අඳින්න නැහැනේ. අනේ ඊට වඩා මේ රස්නේ කාලේ මට දාහෙන් සම්පතයි.

ඊයේ මම යාලුවෝ දෙන්නෙකුත් එක්ක ගියා ප්රෙස්ටන් මාකට්. ඒක හරියට අපේ ලංකාවේ ලොකු පොලක් වගේ. හැබැයි සාපේක්ෂව පිරිසිඳුයි සහ ක්‍රමානුකුලයි කියන්න පුළුවනි. එක එක ජාතියේ එළවලු, පලතුරු, මස් මාළු... තව එක එක රටවල කෑම ජාති... ඔය ගොටුකොල, කන් කුං, පොලොස් එහෙම ගන්න ඕනේ නම් මෙහෙට තමා අපි යන්නේ. සති අන්තෙට නම් ගොඩක් සෙනග එන තැනක්, නමුත් සතියේ දවස් වලට එච්චරම නැහැ. ඒ තියෙද්දිත් අපිට ඊයේ පාකින් ස්පේස් එකක් හම්බුනේ නැහැ. පාර පැනල එහා පැත්තේ තමා පාක් කරන්න උනේ. ඉතින් කාර් එකෙන් බැස්ස ගමන්...අම්මෝ ලංකාවට ගියා වගේ රස්නේ! වෙනසට තියෙන්නේ වැඩිය දාඩිය දන්නේ නැහැ. මට නම් ඉතින් හරි සතුටුයි!

යාලුවෝ දෙන්නට එයාලගේ බඩු ගන්න කියල මම මගේ ලිස්ට් එක ගන්න වෙන්වුනා. මට ඉතින් ඔය මහා ලොකුවට එළවලු මාළු අරන් වැඩක් තියෙනවය. මම විතරනේ කන්න ඉන්නේ. ඉතින් මම හැමදාම මාළු ගන්නකොට ඒ මනුස්පය නෝන්ඩි දානවා මේ චුටි මාළුවා විතරද ගන්නේ කියල. එයා නම් කියයි. කිලෝ ගණන් අරන් ඒවා ෆ්‍රිජ් එකේ ගල් වේවි තියෙයි ඊට පස්සේ. මම ඉතින් ඔය නෙක්ටරින් ගෙඩි 2-3 ක්, පාස්නිප් අලයක්, ගොටුකොල මිටියක්, මාලුවෙක් එහෙම අරගෙන පැය භාගයක් යද්දී බඩු ටික අරන් ඉවර කරා. මේ වෙනකොට හොඳටම දවල් වෙලා මට මාරම බඩ ගිනියි. බෑග් උස්සන් ඇවිද්ද නිසා මහන්සිත් එක්ක. ඊටත් වඩා හවසට කැම්පස් ගිහින් වැඩ කරන්නත් තියෙනවා. වැඩ මතක් උනාම මගේ ඔලුවත් රිදෙන්න ගත්තා...

මේ මාකට් එකේ තැන තැන කඩ පේලි මැද්දට වෙන්න මිනිස්සුන්ට වාඩි වෙන්න හදල තියෙනවා. සති අන්තෙට නම් මේකේ හරි මැද තියෙන පියානෝ එක වාදනය කර කර සින්දු කියන කට්ටියත් එනවා. හැබැයි ඉතින් එදා නම් නැහැ.
එපා වෙලා බඩගින්නේ යාලුවෝ එනකන් ඉන්දැද්දී ළඟ තිබුණු ඩෝ නට් වෑන් එකෙන් උණු ජෑම් ඩෝ නට් එකකුත් අරන් මං ගිහින් වාඩි උනා අර බංකුවක.

මෙන්න ටික වෙලාවක් යද්දී කවුද මගේ අතින් අදිනවා.
බැලින්නම් ලස්සනම ලස්සන සුදු පැටියෙක්. අවුරුදු 2 ක් වගේ ඇති. රෝස පාට චබී මුණයි, රත්තරන් පාට කැරලි කොන්ඩෙයි නිසා එයා ඇත්තටම බෝනික්කෙක් වගේ. සපත්තු දෙකත් ගලවාගෙන මොනාදෝ කිය කිය හිනා වෙනවා...

මේ චුටි බබාට මොනවා හිතෙනවා ඇත්ද මට හිතුන. මට මොහොතකට එයා වෙන්න ඇත්නම්! හෙට දවසේ කරන්න තියෙන වැඩ අමතක කරලා ඔලුව සැහැල්ලු කරගෙන එයා වගේ හිනා වෙන්න ඇත්නම්!

මේ බබාට නම් මේ මාකට් එක හරිම ලස්සනට පේනවා ඇති...

නත්තල් ළඟ නිසා මාකට් එක සැරසිලි වලින් දිලිසෙනවා. එක එක පාට, එක එක ජාතියේ මාමල නැන්දලා ලොකු මලු පුරවන් එහෙ මෙහෙ යනවා. ඒ මැද නත්තල් සීයල. සීයල කීවට නත්තල් මාමලානේ මේගොල්ලෝ... අර පිනි මුව අං තට්ටුවක් දාගත්තු නැන්දෙකුත්! ශා එයා ගාව රතු කොළ අං තට්ටු ගොඩයි.
 ඇයි එතකොට මේ තියෙන කඩ වල බඩු! කහ රතු කොළ තැඹිලි එක එක පාට එළවලු පලතුරු! අර සෙල්ලම් බඩුත් තියෙනවා. මේ ළඟ ඉන්න නැන්දගේ අතේ මොකද්ද මේ? වටේ සීනි කැට තැවරිච්ච, මැද රතුම රතු ජෑම්! හරිම සුවඳයි... අර අතන ඉන්නේ අයිස් ක්‍රීම් දෙන මාමල වගයක්. මං වගේ බබාලා ගොඩයි එතන.
ආ මේ මොනාද මේ බෝල බෝල හැමතැනම පා වෙන්නේ? අර අතන ඉන්න මාමගේ කටින් නේ මේ බෝල එන්නේ බොලේ! අල්ලන්න ඕනේ මාත් මේ බෝලයක්! මගේ මමීට ගිහින් දෙන්න පුළුවන්. අහ් කෝ ඒවා ඇල්ලුවාම නැති වෙනවනේ...හලේ හරි ශෝක් මේ බෝල සෙල්ලම...

පොඩි කාලේදී බලන් හිටියේ ලොකු වෙනකම්. ලොකු වෙලා රට රටවල යන්න, පොත්වල ටී වී එකේ දැකපු දේ කරන්න ලොකු ආසාවක් තිබුනේ. ඒත් දැන්... හැමදාම පොඩි ළමයෙක් වෙලා ඉන්න තිබුන නම් කොච්චර හොඳද?

ඉර හඳ මොකටද අපේ ලෝකයට
අපේ සිනා කන් බැබලෙනවා
රෑ කළ අහසේ දිදුලන තරු ලෙස
ප්‍රාර්ථනා මල් පුදිනවා

මිණි මුතු අතරේ නොරැඳෙන දෑසේ
කැට කැබලිති රන් මතු වෙනවා
සක්විති රජවරු අප අතරේ නැත
කව හෝ දවසක රජ වෙනවා
දුක සංකාවන් නැති ලස්සන සිහිනේ
රෑ දාවල් අපි හිනැහෙනවා
ලෝකෙම ඇහැ ළඟ දකින්න හිතුනම
දෑස පියාගෙන නිදියනවා...

Friday, December 16, 2011

Miss Congeniality? I'd rather be Miss Originality

At some point in your life you got to face yourself. Like, you got to look in that mirror and see your face. Of course I realize that some fortunate people out there are born knowing themselves inside and out. These are the girls you meet in school who are eternally smiling - even when they've forgotton to do their homework. These are the people who are so confident with theselves, that they are not afraid to play the fool and look silly.

I have always envied those who can so effortlessly be silly. 'Cause they sure look as if they're having a ball. To be able to do that requires confidence. I know that now.

It's amazing how liberating it is to feel that its OK to be laughed at. To know that you don't always have to be perfect, that you cant always please everyone.

The world out there is harsh and judging, there's no doubt about that. But then, so what?
As long as you know that you're doing the right thing, does it matter what the world thinks? They would want you to conform to their ideals, but really who are they to tell you what you should and should not do?


Just because I am geeky, does that make me weird? Just bcause I am humble, that doesn't give you the right to walk all over me. Just because I am shy, that doesn't mean I don't have feelings too.
So I am a girl who likes laser tag, and math, and programming. So what? I'm sorry I cannot conform to your perfect witty charming accomplished female ideal.

But I don't care now.

Because you see, while you're worrying and criticising people, you fail to see their beauty that lies within. So it is your loss.

Life is not a frikking popularity contest.


PS. Photo was taken from here. It shows Nicole, one of my favourite antm s.

Tuesday, December 13, 2011

ජීවන වෙරළේ මතක රොඩු ළඟ...



යෞවනේ දිවි තක්ෂිලාවේ ප්‍රේමයේ මනකෘත කෙරූ
සිහිනයේ මංමුලාවේ සුවඳකි මා හිරකෙරූ 
මතකයේ ඈතින් ...
මතකයේ මෑතින් ....
මතකයේ මෑතින් හිඳ.. මතකයේ ඈතින් හිඳ
මතකයේ ඈතින් හිඳ... බලා සිටිනා ජීවිතේ.. මුළු ජීවිතේ...
මතකයේ මෑතින් හිඳ...ලියා තිබුනා හදවතේ.. ගොලු හදවතේ...
ගොලු හදවතේ... මුළු ජීවිතේ... ගොලු හදවතේ...




Photo taken on the shores of Dove Lake, Cradle Mountain, Tasmania

When everything's made to be broken



Thursday, December 8, 2011

ලටෙක් ජරමර - එක්සෙල් වල වගු ලේසියෙන් ලටෙක් කරන හැටි : Excel to Latex

විශ්ව විද්‍යාල වල ඉගෙන ගන්න අය ගොඩ දෙනෙක් ට ඕනේ වෙන එකක් තමයි ලටෙක්. විශේෂයෙන්ම පර්ශේෂණ වාර්තා, ගවේෂණ ලිපි, නිබන්ධන එහෙම ලියද්දි ගොඩක්ම ප්‍රයෝජන වත් වෙනවා. වින් වර්ඩ් වලට වඩා මේ වගේ දිගු ලියමන් ලියද්දි මම නම් කැමතිම ලටෙක්. අනිත් එක, ගණිත සුත්‍ර, සියුඩෝ කෝඩ් එහෙම ලියද්දි ලටෙක් වල පහසුකම් වැඩියි. නිමාවත් ලස්සනයි.
වැඩේ තියෙන්නේ, පර්යේෂණ කරද්දී ගොඩක් වෙලාවට අපිට දත්ත සටහන් කරන්නේ එක්සෙල් ටේබල් එකනේ. මේවා සාමාන්‍යෙන් සැහෙන කොලම්න්ස් තියෙන ලොකු ටේබල්. මේවගේ ගබඩාවෙන දත්තත් දශම ස්ථාන කිහිපයක් තියෙන ටයිප් කරන්න වෙලා යන දත්ත. ඉතින් මේවා ලටෙක් ෆයිල් එකකට මුල ඉඳන් දානවා කියන්නේ පණ යන වැඩක්.
මේකට පහසු විසඳුමක් ගැන තමයි මේ:

මේ excel2latex. මේකෙන් ස්වයංක්‍රීයව එක්සෙල් ටේබල් එක ලටෙක් කෝඩ් එකට පරිවර්තනේ කරලා දෙනවා.
මෙන්න මෙතනින් බාගන්න පුළුවනි.

එක්සෙල් 2007 නම් මේක ස්ථාපනය කරන්න ටිකක් වට වන්දනාවේ යන්න ඕනේ. ඔයාලට එක්සෙල් වල 'Addin' ටැබ් එක පෙන්නේ නැත්නම් තමයි මෙහෙම වෙන්නේ හොඳේ. ඒකට කරන්න ඕනේ බාගත්තට පස්සේ එක්සෙල් වල අර උඩම වම් කෙලවරේ තියෙන ඇරෝ එකෙන් 'customize quick access toolbar' වෙත ගිහින්-> More Commands


ඊට පස්සේ 'Addins' පෙන විදියට මෙහෙම හදාගන්න.





දැන් එක්සෙල් වල උඩම වම් කෙලවරේ මෙහෙම කොළ පාට බට්න් එකක් පෙනේවි.



 දැන් මේ බටන් එක ක්ලික් කරාම එන ඩයලොග් එකේ 'Browse' ගිහින් ඔයාල අර බාගත්ත Excel2Latex.xla ෆයිල් එක Addin එකක් හැටියට ස්ථාපනය කරගන්න පුළුවනි.




මගේ නම් ටැබ් එකේ මේක පෙන්න ගත්තේ Excel restart කරාම. කොහොම හරි අන්තිමට මෙහෙම පෙනේවි:





බලන්න මේ වගේ එක්සෙල් වගු ටොන් එකක් විතර


හරිම ලේසියෙන් ලටෙක් කර ගන්න පුළුවන්!

මේ තියෙන්නේ ඔය උඩ පේන වගුවට අදාළ ඔටෝ හැදුන ලටෙක් කෝඩ් එක:


% Table generated by Excel2LaTeX from sheet 'Latex'
\begin{table}[htbp]
  \centering
  \caption{Add caption}
    \begin{tabular}{rrrrrrrrrrr}
    \toprule
          & Total(ms)     & Tp    & Td    & Tj    & Tc    & Ts    & Tr    & \#Stolen & \#Done & Speedup \\
    \midrule
          & 39373 & 64    & 3     & 22    & 29098 & 94    & 105   & 11    & 26    & 0.846545 \\
          & 30474 & 52    & 2     & 60    & 30076 & 106   & 52    & 12    & 27    & 1.095262 \\
          & 31265 & 54    & 3     & 29    & 30799 & 167   & 41    & 12    & 27    & 1.057924 \\\hline
    AVG   & 33704 & 56.66667 & 2.666667 & 37    & 29991 & 122.3333 & 66    & 11.66667 & 26.66667 & 0.99991 \\
    \bottomrule
    \end{tabular}%
  \label{tab:addlabel}%
\end{table}%


ඔයාලට තියෙන්නේ ඔය කෝඩ් එක තමන්ගේ ලටෙක් ෆයිල් ඒකට කොපි කර ගන්නයි. :)