Skip to main content

කැන්ගරු කතාවක්

ඕස්ට්‍රේලියාව කිව්ව ගමන් මතක් වෙන්නෙ කැන්ගරුන් ව. ලංකාවෙ අපිට නං කැන්ගරුවො දැකගන්න වෙන්නෙ සත්තු වත්තට ගියොත් විතරනෙ. හැබැයි ඕස්ට්‍රේලියාවෙ නම් ටිකක් නගරෙන් පිට ගියොත් පාර අයිනෙ කැන්ගරුවො පැන පැන යනව පේනව. සමහර වෙලාවට අධිවේගී මාර්ග අයිනෙ වාහන වලට හැපිල උන් මැරිලත් ඉන්නවා.
ඉතින් මේ සටහන මම ඕස්ට්‍රේලියාවෙදි ගිය එළිමහන් සත්තු වත්තක හිටිය කැන්ගරු පවුලකට වෙච්චි දෙයක් ගැනයි. එළිමහන් කිව්වෙ, මේකෙ සත්තු කූඩු කරලම නැහැ.
වැටවල් ගහලා ටිකක් ස්වභාවිකත්වයට ළං වෙන්න තියන තැනක්. සමහර සතුන් අල්ලන්න, කෑම දෙන්න එහෙම පුලුවන්.
එක තැනක් තිබුනා - එතන කැන්ගරුවො එක්කල හිටිය 'එමු' කියල මහ විසාල කුරුල්ලො ජාතියකුත්. අනේ කැන්ගරුල නම් හරි අහිංසක පාටට හිටිය. අර කුරුල්ලො නම් මහ නාහෙට අහ්න්නෙ නැති උන් ටිකක වගෙයි.
පහළ පිංතූර ටික බැලුවොත් පෙනෙයි මට එහෙම හිතුනෙ ඇයි කියල...






මුලින් අපි ගියේ කැන්ගරු අම්ම ගාවට...චූටි පැටියටත් කෑම දුන්නට ඌ තාම කිරි බොන වයසෙද කොහෙද නිසා අම්ම විතරයි කෑවෙ.

















මේ තමයි කැන්ගරු තාත්තා. එයා ටිකකින් කෑම එක අත් (කකුල්?) දෙකෙන්ම අරන් කන්න ගත්තා.



















ඔන්න බලන්න දුෂ්ට එමූ කරන වැඩේ!
















පව් අසරණ කැන්ගරු :( එමූට කෑම එක ගන්න බැරිවෙන්නෙ ඌ කෑම එක බදා ගෙන. ඒත් අන්තිමට එමූ තග දාල ඔක්කොම තනියම කෑවා.













එමූගෙ මැර බලයට කැන්ගරු විතරක් නෙවෙයි අපිත් බය උනා!

ප.ලි - මේ පිංතූර ගත්තෙ මම නම් නෙවෙයි. සපුරා අයිතිය මගේ හසාරා නංගියා ටයි. :)

Comments

  1. එකත් එකට, කවුරු කියන්න ඇති, "එමු, එමු" කියලා.නැතුව ඒ සතාගෙ වරදක් නොවේ, පෙනුමත් හරි අහිංසක පාටයි.

    ReplyDelete
  2. very cute. sorry i have no sinhala typing/font things..

    ReplyDelete
  3. @Siribiris
    මරු අහිංසක! මූට දාන්න තිබුනෙ 'එමු' නෙවේ 'යමු' කියල.

    @crystal flame
    ස්තුතියි! සිංහල යුනිකේත ලියනය කරන්න මම නම් පාවිච්චි කරන්නෙ - http://www.ucsc.cmb.ac.lk/ltrl/services/feconverter/t1.html

    ReplyDelete
  4. This comment has been removed by the author.

    ReplyDelete
  5. අනේ පවු අසරණ කැංගරුවා. හරිම දුක හිතෙන ෆොටෝ ටිකක්

    ReplyDelete

Post a Comment

Popular posts from this blog

Bluetooth support on Android Emulator

I have been playing around with Android lately, and one thing that annoyed me is the emulator does not support Bluetooth (as opposed to J2ME emulator, which does).
So if you do not have an actual Android device (like me), and you want to do Bluetooth/WiFi programming, you run in to a problem.

Fortunately, there is a way out - Install the Android image on a VM and use your own Bluetooth device. This is what I did:
Download Androidx86 from http://www.android-x86.org/. This is an .iso file, so you'd need something like VMWare or VirtualBox to run it. Me, I use VirtualBox.
When creating the virtual machine, you need to set the type of guest OS as Linux instead of Other.
After creating the virtual machine, set the network adapter to 'Bridged'.Start the VM and select 'Live CD VESA' at boot.Now you need to find out the ip of this VM. Go to terminal in VM (use Alt+F1 & Alt+F7 to toggle) and use the netcfg command to find this.Now you need open a command prompt and go to …

පරණ අවුරුද්දේ අන්තිම POST එක

පරණ අවුරුද්දේ අන්තිම පැය ටිකනේ දැන් මේ ගෙවෙන්නේ. ඉතින් අන්තිම පොස්ට් එක සිංහලෙන් ලියන්න හිතුනා..
හ්ම්ම්..අද නම් මං අපරාදෙ කියන්නැතිව බහු ජන හිතාය වැඩ ගොඩක් කළා.. ඒ කිව්වේ අවුරුදු කෑමක් හැදුවා - සාලෙ මොප් කළා - පහන පොලිෂ් කළා ...ආ තව අසල්වාසීන්ට කැවිලි පිඟං අරන් ගියා...මගේ කාමරේ අස් කරා (- ඒක ඉතින් බහු ජන නෙවෙයි නෙ - මට විතරයි නෙ :D )

ඉස්සෙල්ලම කියන්නම් හදපු කෑම ගැන - හැදුවෙ බිබික්කම් හෙවත් පොල් කේක් හෙවත් පෝරං ආප්ප (කැමති එකක් කියාගන්න. අම්බලංගොඩ පැත්තෙ බිබික්කං කියනවා, පානදුරේ පෝරං ආප්ප, කොළඹ පොල් කේක් --- හ්ම්ම් පැටලුනාද මන්ද කොහොම හරි මං ඔය පළාත් තුනේම ඒව කියනව. අසන්නෝ සිහි බුද්ධියෙන් අසත්වා )

ඒක හදන්න හරී ලේසියි. අමාරු පොල් ගාන එක විතරයි :) පැණි සීනි ලිප තියලා ඒක පත් පැණි වෙන කොට පොල් සහ කැන්ඩීඩ් පීල් දාන්න යි තියෙන්නෙ. හැබැයි පත් පැණි සීන් එක නම් ටිකක් සංකීර්ණ්යි. ඒක බලන්න ගිහින් ඇඟිල්ලත් පිච්චුනා :(
මට මේ පාර කැන්ඩීඩ් පීල් හොයාගන්න බැරිඋනා :( අපරාදෙ කියන්න බෑ පුනර්ජීවනයේ නගරයේ නම් කේක් බඩු ගන්න නියම තැනක් තියෙනවා. මැරවින් ගේ අඩවියේ නැද්ද මන්ද.
ඉතින් මං මෝඩය වගේ ඉස්සෙල්ලම පොල් පැණි මි…

පර්යේෂණ සහ ආචාර ධර්ම අවසරය

පසුගිය සති කීපයකම නිරත වෙලා හිටිය වැඩක ප්‍රතිපල ඊයේ ලැබුණා. ඒ මගේ පර්යේෂණය සඳහා ඕනෑ උන 'ආචාර ධර්ම අවසරය' නැත්නම් ethics clearence එක ලැබීමයි.

මගේ පර්යේෂණය මුලික වශයෙන් පරිගණක විද්‍යාව සහ මෘදුකාංග ඉංජිනේරු විෂයන් වලින් කෙරුනත්, මිනිසුන් ද සහභාගී කරවාගෙන කෙරෙන කොටසක් ඇති නිසා තමා මෙහෙම අවසරයක් ගන්ඩ උනේ.

ටිකක් පැහැදිලි කරොත්, මේ පර්යේෂණයේ ප්‍රථිපලයක් වන මෘදුකාංග පද්ධතිය නිවැරදිව වැඩ කරනවාද නැද්ද කියන එක තහවුරු කරන්න එක විද්‍යාගාරයක කරලා බලල මදි (සහ කරන්න අමාරුයි). 'හැබෑ ලෝකයේ' එය වැඩ කරන හැටි බලන්ඩ ඕනේ.

මගේ පර්යේෂණය 'ස්මාර්ට් තාක්ෂනය' නැත්නම්, කෘතිම බුද්ධිය සහිත ගෘහස්ත පද්ධතියක් (smart home) සම්බන්ධයෙන්. වෙනත් මෘදුකාංග වලට වඩා මේ වගේ පද්ධතියක් හදන කොට ගොඩක්ම සැලකිලිමත් වෙන්න ඕනේ මිනිස්සු මෙහෙම තාක්ෂනෙකට කොහොම ප්‍රතිචාර දක්වයිද කියලා. 
හිතන්න, ඔයාලගේ ගෙදරත් කෘතිම බුද්ධියක් නැත්නම් 'ස්මාර්ට්' පද්ධතියක් හයි කරලා කියලා. මේ වගේ පද්ධති වල අරමුණ මිනිසුන්ගේ ජීවිතය පහසු කරන එක. උදාහරණයකට ඔන්න ඔයාගේ 'බුද්ධිමත් ගෙදර' ලව්වා ඔයාට පුළුවන් වෙලාවට ලයිට් දාන්න/නිවන්න, …