Skip to main content

සොරු රැගෙන ගිය නෙළුම


"මාමේ පොළව යට තියෙන්නේ මොනවාද?"
"පොළව යට...තෙල් තියෙනවා..."
අදින් අවුරුදු ගණනකට පෙරදී, ඉන්දියන් සාගරයේ කුඩා දුපතක දකුණු කෙළවර නගරයක ඉස්තෝප්පුවකට අල්ලා තැනු පිට කාමරයේ සිටි මැවිසුරු මාමාගෙන්, අවුරුදු තුන හතරක ළදරියක ලෙස ඇසු ප්‍රශ්න මට මතකයි තවමත්. මේ මට ඔබ ගැන ඇති මුල්ම මතකය යි.


මා ඔබට අවසන් වරට කතා කළේ අගෝස්තු 6 වන දා. එදා ඔබ මා සමඟ දුරකතනයෙන් විහිළු කර සිනාසුනු හැටි මට තවමත් ඇසෙනවා වගේ.
අගෝස්තු 20 වනදා පාන්දර ඔබ මිය ගිහින් උපන් බිමෙන් බොහො ඈත.

ඔබ නැතිවී දින හතයි. ඒත් තවමත් එය නපුරු සිහිනයක් වගෙයි. ඔබ වැඩ ඇරී ගෙදර යළි එනවා නම් කියා ඔබ වෙනුවෙන් මල් කැකුළක් නිවෙසේ බලා ඉන්නවා තවම.

ආදරය කරන අය එකවර මිය යන විට ජීවත්ව සිටින අයට දරා ගනු අමාරුයි.


නිබන්ධනය නිමා කොට ඔබ බලන්නට එන්න සිතා සිටියත් සිඩ්නි නුවරට, අන්තිමට එන්න වුයේ ඔබේ මළගමට මට.

ගුණ නුවණ දෙකම නිමක් නැතිව පිහිටි ඔබ කමල් මලක් ලෙසම දිලුනා හැම දාම.

මාමා ට උතුම් වූ නිවන් සැපම පතන්නෙමි!





Comments

  1. බොහෝම කණගාටුයි නිරෝ. ඔහුට සදා සැනසුම ලැබේවා.

    ReplyDelete
    Replies
    1. ස්තුතියි බුරු. ජීවිතයේ අනියත බව තදින් දැනෙනවා

      Delete
  2. ජිවිතේට හුඟක් ලඟ අය අපෙන් හුඟක් ඈතට ගියාම දැනෙන වේදනාව වැඩියි..

    ReplyDelete
    Replies
    1. ඔව් හොඳින් සිටි කෙනෙක් එකවර නැති වූ විට තවත් අමාරුයි.

      Delete
  3. බොහොම කණගාටුයි, මම මේ ආරංචිය කොහෙන් හරි දැක්කා. ඔහු ප්‍රජා කටයුතු වලදී කැපී පෙනෙන චරිතයක් බව සඳහන් වෙලා තිබ්බා. ඔහුට නිවන් සුව පතනවා.

    ReplyDelete
    Replies
    1. ස්තුතියි තිසර. ඔහු ප්‍රමාණයෙන් කුඩා උවත් සුවිසල් මිනිසෙක්.

      Delete
  4. හරිම කණගාටුයි. මාමාට නිවන් සුව පතනවා නිරෝ...:(

    ReplyDelete
    Replies
    1. ස්තුතියි පොඩ්ඩි. ඔහු සැමදා මගේ හදවතේ හිඳීවි.

      Delete
  5. බැදීම් කියන්නෙ දුකක්ලු නෙව...
    මාමාට නිවන් සුව පතමි

    ReplyDelete
    Replies
    1. ඔව්...පිය විප්පයෝගෝ දුක්කෝ. ස්තුතියි.

      Delete
  6. මාමාට සුභ ගමන්...!

    ReplyDelete
    Replies
    1. මෙතනට වඩා හොඳ තැනකට ඔහු යන්නට ඇති කියා සිතනවා.

      Delete
  7. ගොඩක් දුකයි. ඔහුට නිවන් සුව පතනවා !

    ReplyDelete
    Replies
    1. ස්තුතියි බස්සි.

      Delete
  8. කමල්, මතු දිනක හමුවෙමු අපි නැවත!

    ReplyDelete
    Replies
    1. අපි කොතෙක් මෙසේ හමුවී, වෙන්වී ඇතිද?

      Delete
  9. මාමාට නිවන් සුව පතමි

    ReplyDelete
    Replies
    1. ස්තුතියි දමිත්.

      Delete
  10. නිවන් සුව අත් වේවා........

    ReplyDelete
    Replies
    1. ස්තුතියි නලීන්.

      Delete
  11. ඔබේ මාමාට නිවන් සුව පතමි.

    ReplyDelete
    Replies
    1. ස්තුතියි හැලපේ.

      Delete
  12. දෑසින් දැක නොතිබුනත් ඔබේ මාමා ගැන මම බොහෝ දේ අසා තිබුනා . තමාගේ ප්‍රජාවටත් වෘත්තීය සගයින් වෙනුවෙනුත් විශාල වැඩ කොටසක් කළ වටිනා මිනිසෙක්. ඔහුට මගේ ආචාරය !!

    ReplyDelete
    Replies
    1. ඔහු කළ බොහෝ දේ අප දැන ගත්තේ මළගමට ආ මිනිසුන්, ඔහු ඔවුන්ට උදව් කල හැටි කියන විටයි!

      Delete
  13. හොඳ මිනිස්සු ඉක්මනට යනවා කියල කතාවක් තියනවා. හොඳ තැනකට යාවි.ඔහුට සුභ ගමන්

    ReplyDelete
    Replies
    1. හොඳ මිනිසුන් අකලට මිය යන්නේ ඇයි කියා මට තේරුම් ගනු නොහැකි!

      Delete

Post a Comment

Popular posts from this blog

Bluetooth support on Android Emulator

I have been playing around with Android lately, and one thing that annoyed me is the emulator does not support Bluetooth (as opposed to J2ME emulator, which does).
So if you do not have an actual Android device (like me), and you want to do Bluetooth/WiFi programming, you run in to a problem.

Fortunately, there is a way out - Install the Android image on a VM and use your own Bluetooth device. This is what I did:
Download Androidx86 from http://www.android-x86.org/. This is an .iso file, so you'd need something like VMWare or VirtualBox to run it. Me, I use VirtualBox.
When creating the virtual machine, you need to set the type of guest OS as Linux instead of Other.
After creating the virtual machine, set the network adapter to 'Bridged'.Start the VM and select 'Live CD VESA' at boot.Now you need to find out the ip of this VM. Go to terminal in VM (use Alt+F1 & Alt+F7 to toggle) and use the netcfg command to find this.Now you need open a command prompt and go to …

පරණ අවුරුද්දේ අන්තිම POST එක

පරණ අවුරුද්දේ අන්තිම පැය ටිකනේ දැන් මේ ගෙවෙන්නේ. ඉතින් අන්තිම පොස්ට් එක සිංහලෙන් ලියන්න හිතුනා..
හ්ම්ම්..අද නම් මං අපරාදෙ කියන්නැතිව බහු ජන හිතාය වැඩ ගොඩක් කළා.. ඒ කිව්වේ අවුරුදු කෑමක් හැදුවා - සාලෙ මොප් කළා - පහන පොලිෂ් කළා ...ආ තව අසල්වාසීන්ට කැවිලි පිඟං අරන් ගියා...මගේ කාමරේ අස් කරා (- ඒක ඉතින් බහු ජන නෙවෙයි නෙ - මට විතරයි නෙ :D )

ඉස්සෙල්ලම කියන්නම් හදපු කෑම ගැන - හැදුවෙ බිබික්කම් හෙවත් පොල් කේක් හෙවත් පෝරං ආප්ප (කැමති එකක් කියාගන්න. අම්බලංගොඩ පැත්තෙ බිබික්කං කියනවා, පානදුරේ පෝරං ආප්ප, කොළඹ පොල් කේක් --- හ්ම්ම් පැටලුනාද මන්ද කොහොම හරි මං ඔය පළාත් තුනේම ඒව කියනව. අසන්නෝ සිහි බුද්ධියෙන් අසත්වා )

ඒක හදන්න හරී ලේසියි. අමාරු පොල් ගාන එක විතරයි :) පැණි සීනි ලිප තියලා ඒක පත් පැණි වෙන කොට පොල් සහ කැන්ඩීඩ් පීල් දාන්න යි තියෙන්නෙ. හැබැයි පත් පැණි සීන් එක නම් ටිකක් සංකීර්ණ්යි. ඒක බලන්න ගිහින් ඇඟිල්ලත් පිච්චුනා :(
මට මේ පාර කැන්ඩීඩ් පීල් හොයාගන්න බැරිඋනා :( අපරාදෙ කියන්න බෑ පුනර්ජීවනයේ නගරයේ නම් කේක් බඩු ගන්න නියම තැනක් තියෙනවා. මැරවින් ගේ අඩවියේ නැද්ද මන්ද.
ඉතින් මං මෝඩය වගේ ඉස්සෙල්ලම පොල් පැණි මි…

පර්යේෂණ සහ ආචාර ධර්ම අවසරය

පසුගිය සති කීපයකම නිරත වෙලා හිටිය වැඩක ප්‍රතිපල ඊයේ ලැබුණා. ඒ මගේ පර්යේෂණය සඳහා ඕනෑ උන 'ආචාර ධර්ම අවසරය' නැත්නම් ethics clearence එක ලැබීමයි.

මගේ පර්යේෂණය මුලික වශයෙන් පරිගණක විද්‍යාව සහ මෘදුකාංග ඉංජිනේරු විෂයන් වලින් කෙරුනත්, මිනිසුන් ද සහභාගී කරවාගෙන කෙරෙන කොටසක් ඇති නිසා තමා මෙහෙම අවසරයක් ගන්ඩ උනේ.

ටිකක් පැහැදිලි කරොත්, මේ පර්යේෂණයේ ප්‍රථිපලයක් වන මෘදුකාංග පද්ධතිය නිවැරදිව වැඩ කරනවාද නැද්ද කියන එක තහවුරු කරන්න එක විද්‍යාගාරයක කරලා බලල මදි (සහ කරන්න අමාරුයි). 'හැබෑ ලෝකයේ' එය වැඩ කරන හැටි බලන්ඩ ඕනේ.

මගේ පර්යේෂණය 'ස්මාර්ට් තාක්ෂනය' නැත්නම්, කෘතිම බුද්ධිය සහිත ගෘහස්ත පද්ධතියක් (smart home) සම්බන්ධයෙන්. වෙනත් මෘදුකාංග වලට වඩා මේ වගේ පද්ධතියක් හදන කොට ගොඩක්ම සැලකිලිමත් වෙන්න ඕනේ මිනිස්සු මෙහෙම තාක්ෂනෙකට කොහොම ප්‍රතිචාර දක්වයිද කියලා. 
හිතන්න, ඔයාලගේ ගෙදරත් කෘතිම බුද්ධියක් නැත්නම් 'ස්මාර්ට්' පද්ධතියක් හයි කරලා කියලා. මේ වගේ පද්ධති වල අරමුණ මිනිසුන්ගේ ජීවිතය පහසු කරන එක. උදාහරණයකට ඔන්න ඔයාගේ 'බුද්ධිමත් ගෙදර' ලව්වා ඔයාට පුළුවන් වෙලාවට ලයිට් දාන්න/නිවන්න, …