Pages

Wednesday, November 28, 2012

සයිනස් අමාරුව තියෙන අයට (ඔලුව කැක්කුමට විසඳුමක්)

ගොඩක් සෙම අමාරු තියෙන අයට හැදෙන ලොකු ලෙඩක් තමයි ඔය සයිනස් නිසා ඇතිවෙන ඔලුව කැක්කුම.
 මට නම් ගොඩක් වෙලාවට ඉස්සර තද රස්නේ වෙලාවට එලියට ගිහින්, ඊට පස්සේ ආයේ A/C ඇතුලට ගියොත් අනිවාර්යෙන් ඔලුව රිදෙන්න ගන්නවා. නැත්නම් හදිසි කාලගුණ වෙනසක් උනොත් - ඒ කියන්නේ එක පාරටම උෂ්ණ ඉඳන් සීතලට මාරු උනොත්, හරි සීත ඉඳන් උෂ්නට මාරු උනොත් හරි, ඒත් ඉවරයි. නැතිනම් රෑට අයිස්ක්‍රීම් කෑවොත්...

මේක තියෙන අය අත්දැකීමෙන් දන්නවා මේ හිසරදේට පැනඩෝල් වැඩ කරන්නේ නැහැ කියල.

ඔන්න ඉතින් මේකෙන් 100% ගැලවෙන්න ඔය කිසිම පේන් කිලර්ස් මුකුත් නැති ක්‍රමයක් කියන්නයි යන්නේ. මට මේක කියල දුන්නේ දොස්තර මහතෙක්. දැන් අවුරුදු පහක් තිස්සේ මට නම් මේක හොඳටම වැඩ...
ක්‍රමයක් කිව්වට මෙතන අනුගමනය කරන්න ඕනේ දේවල් දෙකක් තියෙනවා.

1) උදේට ඇඟ හොදද්දී බලන්න කොන්ඩේ තෙමෙනවද කියල. විශේෂෙන් ඔලුවේ පිටිපස්සේ අග හරියේ කොන්ඩේ. එහෙම තෙමෙනවනම් ඒක වලක්වගන්න. හොඳම දේ ෂවර් කැප් එකක් පාවිච්චි කරන එක.

2) හැමදාම ඔලුවෙන් හිට ගන්න. දැන් ඉතින් හිනාවෙන්න එපා. ඔලුවෙන් හිටගන්න කිව්වට මෙන්න මේ යෝගා අභ්‍යාසේ තමා කරන්න කිව්වේ. (ඒකෙ ඉතින් තියෙන්නේ ඔලුවෙන් හිටගන්න ව වගේ සීන් එකක් තමයි).
වැඩි වෙලා ඔහොම ඉන්න ඕනත් නැහැ. විනාඩි 3 විතර හිටියම හොඳටම ඇති. හැබැයි අර කරනවානම් එතැනදී ශරීරෙ බර තනිකරම බෙල්ලට එන නිසා ඒකට counter effect වෙන අභ්‍යාසය කුත් කරනවා නම් හොඳයි.




Source: http://www.yoga-made-ez.com/Yoga_Shoulder_Stand.html

මුලදී නම් දවසට දෙපාරක් ඔය අභ්‍යාසේ කරත් දැන් නම් සතියකට සැරයක් කරත් ඇති මට.

ගොඩක් අයට සෙම නිසා මේ ප්‍රශ්නේ තියෙන නිසා තමා මේක ලියන්න හිතුවේ. මටත් කෙනෙක් කිව්වා නිසානේ අද මම ලෙඩෙන් ගැල උනේ. ඉතින් ඇයි හොඳ දෙයක් මම තනියම තියාගෙන ඉන්නේ කියල හිතුනා :)

PS: අර ඔලුවෙන් හිට ගන්න එක ඉස් ඉස්සෙලාම කරන කොට තව කවුරු හරි සහයට ගන්න. විශේෂෙන් ඔය ඇඟ මහත අය. බිත්තියක් අයිනට ගිහින් බිත්තිය පැත්තට ඔලුව දාල බිම දිගාවෙලා ඊට පස්සේ හිමීට ඇඟ ඉස්සුවනම් හරි. ඔන්න ඉතින් අත පය කඩාගෙන නම් මට පස්සේ නඩු දාන්න එපා හොඳේ. :D :D